Sondrio , 26 ottobre 2018   |  

Un passpartout per i sits culturai lombards

Far Lombard, intende divulgare la conoscenza del lessico lombardo, oggi a rischio d'estinzione, nonostante sia usato da alcuni milioni di lombardi.

orologio in dialetto milanese

Un passpartout per i sits culturai lombards - De la Simona Scuri, Associazion Far Lombard

Abbonamento musei Lombardia - di Simona Scuri, Associazione "Far Lombard"

La cultura, i musee, i parc arqeolojeg, i ville, i castei, i ortaie botanege e insì via dovarien vesser patrimoni fruibil gratuitament per tuts. In Lombardia un pass inanz a l’è stait fait. Cont Maj 2015 i amants de la nostra rejon pœden comprar una tessera qe la permet de visitar plussee de 130 sits de interess storeg e artisteg in tute i so 11 citaa e province.

La tessera la costa 45 euro (un poo men per jovin e senior) e la dà dirit a visitar – gratuitament e ogni vœlta qe vun al vœl – musee, ville, jardin, qe normalment inn a pagament. La includ anca musee privads o miga statai. La dura 365 dì de quand qe vun la compra e a l’è stra-comoda.

De soraplu la dà dirit a dei scunts importants in su spetacoi teatrai, concerts, esposizion d’art e insì via. Ind el 2017 a g’è stait un increment de visite cont la tessera del +73,8% respeit al 2016 (info T.C.I). Qei numer qì ne dixen comè qe el desideri de cognosser la cultura e i belleze de la nostra rejon a l’è dree a cresser.

La lista dei 132 sits a entrada libera a l’è in su la red a l’indiriz abbonamentomusei.it. Qì g’è un quai esempi dei sits qe se pœ visitar cont la carta: Accademia Carrara de Bergem cont i so 600 quader, ben 34 musee de Milan, parc arqeolojeg de la Vall Camonega patrimoni UNESCO, Villa Carlotta e i so jardin a Com, musee del violin a Cremona, Teater Scientifeg de Bibiena a Mantova, parc de art contemporanea Rossini Art Site, musee de la scarpa a Vijevan, musee Valtellines de storia e art, l’Isolin Virjinia in sul lag de Vares...

La tessera a l’è el fruit de la collaborazion intra Rejon Lombardia, Fondazion Cariplo e Comun de Milan. Per quei qe ge n’ha miga assee, g’è anca la possibilitaa de combinar la tessera lombarda cont una tessera compagna qe la val ind la Rejon Piemont.

"#Lombard Language UNESCO ISO 639-3lmo"

Appuntamenti

Ritrovaci su Facebook

Caleidoscopio

10 Agosto 1867 è ucciso a fucilate, di ritorno dalla fiera di Gatteo, Ruggero Pascoli padre del poeta Giovanni Pascoli. L'evento verrà rievocato nel 1896 dalla celebre poesia X agosto, inclusa nella raccolta Myricae.

Social

newFB newTwitter